Måndag skal me gå til valurnene for og velja eit nytt kommunestyre som igjen skal avgjera kven som blir Etne sin neste ordførar. For 4 år sidan var Etne Ap det største partiet og Siri Klokkerstuen hadde flest personsrøyster. Den gong fekk som kjend ikkje Ap ordføraren pga ein allianse mellom partia Sp, H, V og Frp som stemde Sigve Sørheim inn som ordførar. Me fekk den gong ikkje vera med på reelle forhandlingar om ordførarposisjonen, noko som gjer oss ekstra motiverte og tydelige på at Etne Ap bør får ordføraren ved dette valet. Og då kjære veljar må du gripa moglegheita for å vera med å påverka ved å nytta røsteretten din! Gje di røyst til Etne Ap og gje Siri Klokkerstuen ei personrøyst. På denne måten vil du vera med å synleggjera folkeviljen som for 4 år sidan ikkje blei fylgd av det då nyvalde kommunestyret.

Det går mot eit spanande val for Etne kommune, der det nye kommunestyret står framfor nye og viktige utfordringar i åra som kjem.
Ei viktig sak er å stimulera til auka busetjing i kommunen vår.
Ein offansiv tomtepolitikk er viktig for at Etne Kommune kan få fleire innbyggjerar.
Etne Arbeiderparti vil arbeide for at det blir utvikla attraktive tomteområde i kommunen. Me vil og arbeide for at det blir lagt til rette for ungdomsbustader og bustader for personar med særskilde behov.
Les mer…